хороскоп игри музика
ПОНЕДЕЛНИК, 21 АВГУСТ 2017
Дионис ја воодушеви публиката на „МакеДокс“

Со македонската премиера на долгометражниот документарен филм „Со љубов“, снимен по сценарио и во продукција на Атанас Георгиев, а во режија на Илија Цветковски, на 19 август во Куршумли-ан, беше отворено осмото издание на Фестивалот на креативен документарен филм „МакеДокс“. На проекцијата на филмот во Куршумли-ан беше присутен голем дел од екипата на филмот, предводена од режисерот, сценаристот и, секако, главниот протагонист Дионис.

post cover photo

На отворањето на фестивалот, во име на целата екипа, која во рацете го држеше симболот на „МакеДокс“ – главица кромид, се обрати селекторката на филмската програма, Петра Селишкар.

„Добродојдовте на 8. ’МакеДокс‘! Ние птиците од сите земји што сме заљубени во документарните филмови повторно сме во своето гнездо – Куршумли Ан. Фестивалот ќе го отвориме со љубов, како што е насловот и на филмот на Илија Цветковски, што ја има својата македонска премиера. Токму со ова издание на фестивалот ќе погледнеме на нашето гнездо од птичја перспектива, бидејќи извесно време, можеби, нема да можеме да се вратиме во него. Но, би сакале нашето гнездо – Куршумли Ан, да остане отворено за птици како нас“, рече Петра Селишкар.

Филмот „Со љубов“ зборува за Дионис, наставник по биологија пред пензионирање, кој има пасија и сон. Наместо жена му, навечер друштво му прават над сто стари автомобили. Пред неколку денови филмот беше прикажан и на Филмскиот фестивал во Сараево.

„Вложивме многу љубов во снимањето на документарниот филм ’Со љубов‘ и би сакале таа љубов да биде препознаена и на филмското платно“, најави режисерот Илија Цветковски.

Ретко се случува во текот на една филмска проекција да одекне силен аплауз и да се слушнат овации на одобрување од публиката. Филмот „Со љубов“ поттикна навистина силни емоции кај публиката. Едноставниот и питом карактер на професорот Дионис освојува на прво гледање, а неговата страст во собирањето на стари автомобили поттикнува да се солидаризирате во остварувањето на неговиот сон – создавање на музеј на стари автомобили во неговиот град Неготино.

По завршувањето на проекцијата, екипата на филмот беше пречекана со силен аплауз и бурни стоечки овации пред платното.

„Вечерва сакав тишината да зборува место мене, но морам да кажам дека во светот ова мое хоби го третираат поинаку, како културно наследство. Драго ми е што се најдоа луѓе кои го препознаа тоа и со филмот дадоа поддршка на остварувањето на мојот сон“, рече главниот протагонист Дионис.

Режисерот Цветковски додаде дека „главната инспирација за снимањето на филмот доаѓа од страста на Дионис и неговите морална и етичка исправност, со кои се трудел во текот на целиот живот да го оствари својот сон“.

„Најмногу инспирира балансот што Дионис успеал да го направи во својот живот – да се радува на малите работи, а да не биде опседнат со материјалното, бидејќи за да ги купи сите тие стари автомобили му биле потребни пари. Мислам дека направивме убава животна филмска приказна“, додаде Цветковски.

На прашање од публиката, сопругата на Дионис, Грозданка Пашлакова (сопственичка на „Шугар арт“) рече дека е благодарна на поддршката од публиката и на проекцијата во Сараево пред неколку дена, и на скопската публика на „МакеДокс“ и објасни дека страста на Дионис била прифатена од целото семејство, а неговиот сон е остварен до крај. Таа од екипата на „МакеДокс“ доби подарок – торта со форма на стар автомобил.

На тоа реплицираше Дионис, кој рече дека одреден период се наоѓал во ’менопауза‘ (односно престанал да купува стари автомобили), и дека поддршката од семејството доаѓала во синусоиди. Кога сите виделе дека со купувањето ќе оди во бесконечност им дал чесен збор дека ќе престане со хобито кога ќе има 101 стари автомобили. Во меѓувреме се појавиле луѓе кои му подариле стар мерцедес, па БМВ и сега има точно 108 автомобили за својот музеј.

Дионис своето автомобилско наследство ќе го остави во посед на своите три сина, со надеж дека некогаш ќе успеат да направат вистински Музеј на стари автомобили во нивниот град.

Вечерта на отворањето на 8. „МакеДокс“ траеше до доцните часови во ноќта со концертот на групата „Фолтин“, која ја направи музиката за филмот „Со љубов“.

Пред проекцијата на филмот „Со љубов“ од програмата на кратки документарци беше прикажан филмот „Од филмското платно до фудбалскиот терен“ на Озгур Демирџи од Турција.

На првата сесија разговори „Под смоквата“ на 20 август гости беа Илија Цветковски, Атанас Георгиев и Озгур Демирџи од Турција, кои зборуваа за процесот на создавањето на своите филмови.

Вториот ден на „МакеДокс“ почна со работилницата за фотографија „Камера опскура“, која ја води фотографот Сашо Н. Алушевски, и на која во наредните денови 20-тина учесници ќе направат свој модел на камера опскура и со истиот ќе се обидат да создадат фотографија.

Со филмот „Заслепувачката светлина на зајдисонцето“ на Саломе Јаши на 20 август на платото пред Куршумли-ан почна циклусот на современи документарни филмови од Грузија, која годинава е земја во фокус.

Активностите на „МакеДокс“ можете да ги следите на сајтот на МакеДокс, како и на:

www.fb.com/MakeDox.mk

www.instagram.com/MakeDox

www.twitter.com/MakeDox

www.youtube.com/MakeDox1

 

 

Извлечи колаче порака
dermaplus
Виц

На влав му гледале на кафе:

– Аууу ќе одиш некаде на пат.

– А патарини ќе има?

BMR КАЛКУЛАТОР

ПРЕСМЕТАЈ КАЛОРИИ

  калории дневно - Вашиот Основен метаболички степен (BMR)

Основен метаболички степен е најниската потрошувачка на енергија неопходна за одржување на виталните процеси на телото во текот на 24 часа. Односно, ја претставува минималната количина на енергија потребна за непречено функционирање на срцето, белите дробови, нервниот систем, бубрезите, црниот дроб, цревата, мускулите, кожата, итн. Вашиот BMR не ги вклучува калориите кои се согоруваат од нормалните дневни активности или вежби. Дополнително вежбање го зголемува вашиот BMR, го подобрува вашето здравје и способноста на вашето тело да гори повеќе енергија. Потребни ви се:
  •    - калории дневно за да ја задржите истата тежина
  •    - калории дневно за да загубите 0.5 килограми неделно
  •    - калории дневно за да загубите 1 килограм неделно
  •    - калории дневно за да качите 0.5 килограми неделно
  •    - калории дневно за да качите 1 килограм неделно
Најдобар начин за губење на телесната тежина е преку правилна исхрана и вежбање. Намалувајте ги калориите постепено и внимавајте да не ги намалите под 1000 калории дневно. Брзото слабеење може лошо да се одрази врз вашето здравје, а исто така и допринесува до брзо враќање на загубените килограми. Губете килограми постепено, обидете се да одржите баланс во исхраната. Конзулмирајте ги сите хранливи состојки кои ви се потребни, но во помали количини. Совети
  • пијте 6/8 чаши вода на ден
  • јадете чести но мали оброци
  • јадете многу свежо овошје и зеленчук
  • избегнувајте кафе и алкохол
  • избегнувајте преработена храна како што е белиот шеќер
  • избегнувајте црвено месо и животински масти
  • намалете го внесувањето на млечни производи
  • вежбајте минимум 3 пати во неделата
Калкулаторот обезбедува одлична претпоставка и може да се користи како водич, но за најточни информации консултирајте се со вашиот нутриционист или доктор. Калкулаторот е направен по Mifflin - St Jeor равенката.
Ве молиме внесете ги сите полиња за да можеме да го пресметаме вашиот БМР.
Target baner

BMI КАЛКУЛАТОР

BMI Result

Што е BMI?

Индекс на телесната маса е показател на нутритивниот статус на еден поединец и важи за лица постари од 18 години. Со BMI калкулаторот можете да пресметате дали имате прекумерена, поднормална или нормална тежина. Здрав BMI резултат би бил оној измеѓу 20 и 25.

БМИ го покажува односот помеѓу тежината и висината на телото, но не се зема во предвид составот на телото. Тој не може да го илустрира точниот процент на телесните масти во однос со мускулите или коскената маса.

Поединци со висок БМИ се категоризирани како дебели, но постојат и исклучоци. На пример, кај многу крупните луѓе, бодибилдерите, бремените жени и луѓе пониски од 1.5 метар, БМИ индексот е голем, но тоа не значи дека тие се дебели бидејќи процентот на мускулите и коскената маса во однос на висината е голем.

Ве молиме внесете ги сите полиња за да може да го пресметаме вашиот БМИ.
Знаевте ли дека...

...сите лебеди во Англија се сопственост на кралицата.

fraerlook na Ladybook
Цитат

Луѓето ќе се ѕверат, дајте им добра причина. – Хери Винстон

fraerlook na Ladybook
ladybook галерија играј на пауза музиче ladybook
ADS
Taiva
ladybook СВЕЖО
ladybook најчитано