ЧЕТВРТОК, 21 МАРТ 2019

Водич за aлтернативна и дополнителна медицина

Терминот "алтернативна терапија" се однесува на секој третман кој не спаѓа во групата на западни медицински процедури. Покрај тоа, комплементарните и алтернативните терапии тешко може да се дефинираат, во голема мера бидејќи се многу разновидни. Тие опфаќаат посебни третмани за начин на исхрана и вежбање, хипноза, киропрактика, и боцкање игли во кожата на лицето (акупунктура). Всушност "алтернативните" третмани се користат наместо конвенционалната медицина; кога овие третмани се користат заедно со стандардните медицински процедури, алтернативните третмани се нарекуваат дополнителна медицина.

Придобивките од овие третмани, или поточно недостатокот на придобивки, се табу тема за разговор. За да се определи ефикасноста на овој вид на третмани се потребни уште многу истражувања, но овој факт не им пречи на многу луѓе и тие често практикуваат вакви третмани. 

post cover photo

Акупресура

Акупресурата е сличен третман на акупунктура само што во овој третман не се користат игли. Лекарите ги користат своите раце, лакти или стапала за да ги притиснат специјалните точки на човековото тело. Овие специјални точки ја пренесуваат животната енергија (qi или ch’i) низ целото тело. Се смета дека некоја болест се појавува тогаш кога една од овие точки е блокирана или балансот и е пореметен. Акупресурата ги олабавува овие блокади и енергијата продолжува да се движи слободно низ телото.

Потребно е уште доста испитување за оваа процедура меѓутоа досегашните истражувања покажуваат позитивни резултати. Овој третман може да го намали лошењето кај пациентите кои примаат хемотерапија и исто така може да ја намали нервозата кај пациентите кои треба да имаат некаква операција.



Акупунктура

Иако кога некој ќе ви спомне акупунктура, првото што ви паѓа на ум се игли, терминот "акупунктура" всушност ги објаснува процедурите со кои се стимулираат определени точки на телото. Најпознат вид на ваква процедура е онаа на боцкање тенки и мали игли на специфични точки на човековото тело. 

Без разлика колку е познат овој третман, контроверзата за ефектите е секогаш присутна. Иако нема сигурни докази, некои истражувања покажуваат дека овој третман помага при хронична болка и депресија.



Аромотерапија

Овој вид терапија користи есенцијални масла (концентрирани екстракти од корења, лисја, цвеќиња и растенија) за лечење. Маслата можат да се вдишуваат, да бидат мачкани на кожата и во ретки случаи се консумираат. Секое од овие масла си има посебна цел и начин на употреба. Некои од нив се користат за лечење на црвенила и инфекции, други за релаксација на организмот.

Истражувањата покажуваат дека со аромотерапијата може да се намали болката, да  се лечи депресија и нервоза. Уште многу истражувања треба да се направат за да се одредат бенефициите од овој третман.



Ајурведска медицина

Ајурведската медицина, исто позната како Ајурведа, потекнува од Индија и се користи илјадници години. Во оваа процедура се користат различни тревки, масажи и специјални диети кои доведуваат до балансирање на телото, духот и умот.

Нема доволно истражувања за оваа процедура и затоа е тешко да се каже дали има ефекти од третманите. Меѓутоа фактот дека процедурата се користи толку долго и од страна на многу луѓе кажува дека има нешто добро во тоа.



Балнеотерапија

Балнеотерапијата, исто позната и како хидротерапија, вклучува третмани во кои се користи водата за терапевтски цели. Оваа процедура потекнува од 1700 год п.н.е. Балнеотерапијата се базира на идејата дека водата има лековито дејство и може да лечи различни болести, од акни до хронични болки, отоци и нервоза. Во третманите се користат облоги од кал, облоги и базени со вода со цел да се искористат бенефициите што водата ги нуди.

Истражувањата покажуваат дека водата може да го подобри имуниот систем, меѓутоа не може со сигурност да се потврдат другите ефекти од третманите.

 

Биофидбек

Биофидбек техниката им овозможува на луѓето да научат како да ги контролираат телесните процеси кои обично се случуваат без нивна волја (тахикардија, крвен притисок, истегнување на мускул, покачена температура). Оваа техника им овозможува на луѓето самите да научат како да си го контролираат високиот крвен притисок, да спречат главоболка и намалат хронична болка. Пациентите работат и учат од биофидбек терапевтот различни техники за релаксирање и ментални вежби. Во некои посебни третмани, се користат електроди кои се закачуваат на телото на пациентот и го мерат стресот на неговото тело. Техниките исто така можат да се практикуваат без помош на терапевтот или опремата.

Истражувачите уште не се сигурни како или зашто оваа техника функционира и носи резултати. Релаксацијата е клучот на оваа терапија и многу пациенти кои имаа ефекти од оваа терапија имаат лекарски проблеми кои во главно се поврзани со стрес.

 

Киропрактика

Киропрактиката е прифатена и применувана во медицинскиот свет иако таа е квалификувана повеќе како дополнителна медицина отколку како алтернативна. Третманите се фокусираат на лекување на болести на мускуларниот и нервниот систем, болки во вратот, грбот, зглобовите, рацете, нозете и главата. Највообичаената процедура што ја изведува терапевтот е "'`рбетната манипулација" (местење) која се базира на нанесување енергија од страна на терапевтот на болните места. Движењата на зглобовите се ограничени и болни кога ткивото околу нив е повредено и со овие третмани болката се намалува, мускулите се опуштаат и се враќа подвижноста на зглобовите.

Истражувањата ја потврдуваат ефикасноста на овие третмани и постојат докази дека оваа процедура ја намалува болката и го подобрува физичката активност. 



Хомеопатија

Хомеопатијата функционира на сличен начин како и вакцината. Се користат супстанции кои предизвикуваат негативни реакции доколку се земаат во големи дози, меѓутоа во третманите се користат тие исти супстанци, но во многу мали количини за да се спречат штетните реакции. Овој начин на лекување исто така се користи и во конвенционалната медицина. Терапевтите собираат доволно информации за состојбата на пациентот пред да се одлучат за каков било третман со штетната супстанца.

Некои истражувања покажуваат дека овие третмани се поефикасни од плацебото, меѓутоа треба да се направат уште многу други истражувања за да се докаже ефективноста на оваа процедура.



Натуропатија

Овој вид на медицина се базира врз силата на природата за лекување. Докторите кои ја практикуваат оваа медицина ја владеат и конвенционалната и алтернативната медицина истовремено и лекот за некоја болест го бараат во природата. За време на третманите, тие ги истражуваат менталните, духовните и физичките манифестации на болниот пациент. Докторите користат специфични техники во третманите како на пример промена на исхрана, хербална медицина, акупунктура и хомеопатија.

Тешко е да се направат истражувања за оваа медицина бидејќи во третманите докторите користат различни терапии и со сигурност не можат да се докажат ефектите и позитивните резултати. 



Рефлексологија

Рефлекселогијата се базира на нанесување притисок врз специфични места на нозете, рацете или ушите. Се смета дека овие специфични места одговараат на различни човечки органи и системи и со нивна масажа и нанесување на притисок, се подобрува здравјето. На пример со масажа на специфична точка на ногата се верува дека се подобрува функцијата на мочниот меур. Самите пациенти можат да ги користат овие третмани без помош на терапевт. Многу луѓе ја користат оваа процедура за да го намалат стресот, подобрат астмата, намалат ефектите на ракот и дијабетесот.

Некои истражувања покажуваат дека овие третмани ја подобруваат функцијата на респираторниот систем, го намалуваат заморот и помагаат при несоница. 



Реики

Реики е вид на лечење со енергија кое се базира врз идејата дека енергијата на животот тече низ секое човечко тело. Според оваа филозофија, болеста и стресот покажуваат дека животната енергија е на ниско ниво  додека енергијата, здравјето и среќата покажуваат дека животната енергија е на високо ниво. За време на третманите терапевтот се обидува да префрли енергија на пациентот така што со раката го допира телото на пациентот. Третманите овозможуваат хроничната болка да се намали и го подобруваат целокупното здравје на пациентот.

Истражувањата покажуваат измешани резултати и најчесто ефективноста на овие третмани се базира на верувањето на пациентите.

 

Мастерклас на Виктор Косаковски и работилница на Јана Цисар на 10. МакеДокс

Туризам
ladybook TRENDING

ВУДСТОК ДЕВОЈКИ – НАЈДОБРИТЕ СТИЛСКИ МОМЕНТИ ОД 1969

Туризам

BMI КАЛКУЛАТОР

BMI Result

Што е BMI?

Индекс на телесната маса е показател на нутритивниот статус на еден поединец и важи за лица постари од 18 години. Со BMI калкулаторот можете да пресметате дали имате прекумерена, поднормална или нормална тежина. Здрав BMI резултат би бил оној измеѓу 20 и 25.

БМИ го покажува односот помеѓу тежината и висината на телото, но не се зема во предвид составот на телото. Тој не може да го илустрира точниот процент на телесните масти во однос со мускулите или коскената маса.

Поединци со висок БМИ се категоризирани како дебели, но постојат и исклучоци. На пример, кај многу крупните луѓе, бодибилдерите, бремените жени и луѓе пониски од 1.5 метар, БМИ индексот е голем, но тоа не значи дека тие се дебели бидејќи процентот на мускулите и коскената маса во однос на висината е голем.

Ве молиме внесете ги сите полиња за да може да го пресметаме вашиот БМИ.

BMR КАЛКУЛАТОР

ПРЕСМЕТАЈ КАЛОРИИ

  калории дневно - Вашиот Основен метаболички степен (BMR)

Основен метаболички степен е најниската потрошувачка на енергија неопходна за одржување на виталните процеси на телото во текот на 24 часа. Односно, ја претставува минималната количина на енергија потребна за непречено функционирање на срцето, белите дробови, нервниот систем, бубрезите, црниот дроб, цревата, мускулите, кожата, итн. Вашиот BMR не ги вклучува калориите кои се согоруваат од нормалните дневни активности или вежби. Дополнително вежбање го зголемува вашиот BMR, го подобрува вашето здравје и способноста на вашето тело да гори повеќе енергија. Потребни ви се:
  •    - калории дневно за да ја задржите истата тежина
  •    - калории дневно за да загубите 0.5 килограми неделно
  •    - калории дневно за да загубите 1 килограм неделно
  •    - калории дневно за да качите 0.5 килограми неделно
  •    - калории дневно за да качите 1 килограм неделно
Најдобар начин за губење на телесната тежина е преку правилна исхрана и вежбање. Намалувајте ги калориите постепено и внимавајте да не ги намалите под 1000 калории дневно. Брзото слабеење може лошо да се одрази врз вашето здравје, а исто така и допринесува до брзо враќање на загубените килограми. Губете килограми постепено, обидете се да одржите баланс во исхраната. Конзулмирајте ги сите хранливи состојки кои ви се потребни, но во помали количини. Совети
  • пијте 6/8 чаши вода на ден
  • јадете чести но мали оброци
  • јадете многу свежо овошје и зеленчук
  • избегнувајте кафе и алкохол
  • избегнувајте преработена храна како што е белиот шеќер
  • избегнувајте црвено месо и животински масти
  • намалете го внесувањето на млечни производи
  • вежбајте минимум 3 пати во неделата
Калкулаторот обезбедува одлична претпоставка и може да се користи како водич, но за најточни информации консултирајте се со вашиот нутриционист или доктор. Калкулаторот е направен по Mifflin - St Jeor равенката.
Ве молиме внесете ги сите полиња за да можеме да го пресметаме вашиот БМР.
Ladybook Контакт
МАСИВА ДООЕЛ Скопје
ул. Козле бр.88, лан.2, лок.1,
1000 Скопје, Македонја
+389 77 76 89 25 | +389 70 21 67 41

contact@ladybook.mk
marina@ladybook.mk
Ladybook Импресум
Генерален менаџер:
Марина Апостолска
marina@ladybook.mk
Уредник:
Тина Митева
tina@ladybook.mk
Новинар:
Лидија Дамјановска Апостолска
contact@ladybook.mk
Новинар:
Марина Вучковиќ
m.vuckovik@masiva.mk
Социјални медиуми:
Мила Тасевска
mila@ladybook.mk
Графичко уредување:
Виктор Гаврилски
viktor@ladybook.mk
Маркетинг:
Марина Апостолска
marina@ladybook.mk
Дизајн и развој:
ИФ КРЕАТИВА
filip@ifkreativa.com
ivana@ifkreativa.com